DESEXOS PARA O NADAL

Pilocha da Rocha

 Esta semana recibimos unha nova carta dende Illa Fantasía que nos falaba de Pilocha da Rocha, unha muller forte e valente, que, aos seus case 100 anos, segue gabeando polas rochas, como boa percebeira, na procura deste prezado manxar.

 Cos cartos que gaña pretende poder acadar sete desexos para ela e a súa familia, pero precisará da nosa axuda...

Mentres, comezamos por pensar cales son os desexos (principalmente non materiais) que nos gustaría cumprir este Nadal e saíron algúns tan fermosos como poder volver a xogar xuntos no patio, celebrar con toda a familia as festas, volver a ver algún ser querido e, postos a pidir, que neve en Sada!

A nós ilusión non nos falta, quen sabe se algún dos nosos desexos se fará realidade...

 

 

 

 CARTA PARA MARY KAY (MARUXA)

Estes días andivemos a voltas nas dúas clases de 2º para respostar á carta que nos enviou Mary Kay dende Illa Fantasía preguntándonos polo noso feirón.

Hoxe deixámolas no buzón da Illa á espera de que axiña lle cheguen á súa destinataria.

🌈🌈🌈